返咗嚟喇!!!

超支力，返咗HK三星期，眨吓眼就過，

忙做手藝、忙食野、忙同老友們聚會、忙shopping........haha~~~

每日最多瞓6粒鐘，有幾日仲瞓得三個幾四個鐘，

人都痴痴呆呆！

星期六趕出門去打邊爐，搞到扭親條腰，

諗住改機票遲兩日先返，

但老細話想一齊返星，

我呢個做細嘅唯有死死氣做完間屋大掃除，

陪奶奶食完個超晏(3點)嘅lunch，

碌去機場等老細從高麗國到港轉機。

昨天昏迷一日，我有煮飯呀,

從HK帶咗啲好靚又當造嘅西洋菜，

煲咗個西洋菜陳腎雪耳湯，超好味，

陳腎喺我"奄尖姐"Edna送比我，出面無得買，

無防腐，煲完食落口充滿咸香----正！

今日會出去揾人医吓條腰先！

香港做咗啲咩手藝？下回分解。

註：我同Edna被佢老公封為"奄尖姊妹花"  haha.......