退燒原來係假象呀~~~

嗰日先打呢個 blog話 Gu Gu退晒燒, 點知係假象黎架....到瞓覺嗰陣, 見到佢怪怪地, 細心睇下, 原來佢發冷呀...跟住同佢著多件衫, 再比佢飲杯暖水, 再瞓釉, 點知佢突然喊話要尿尿, 咁咪抱佢起身囉...跟住一野嘔到我成個膊頭都係, 因為佢基本上係冇乜食野, 全部都係痰, 超誇張.....三更半夜又抺又沖洗之後又再瞓啦...摸下佢, 又發燒, 又要幫佢除番件衫, 再食退燒藥...攪到我成晚冇瞓...到第二朝, 又冇乜燒...不過都再比佢食藥, 因為醫生話退燒藥係有止痛作用, 可能佢周身骨痛又唔識表達, 所以最好食到真係好晒為止....但係就好 hurt, 成日唔肯食野, 同佢行 supermarket, 叫佢自已揀野食, 佢乜都唔要...只係肯飲鮮奶...到今朝, 我返工準備出門口, 佢突然醒左, 第一件事同我講: 媽咪, 好肚餓呀, 有冇野食....呢次真係確定係好番晒啦....終於鬆一口氣~~~~