Gu Gu真係好貪靚架~~

今朝同 Gu Gu 返學, 一上到巴士, 有個女仔坐喺我地對面, 係咁又掃又搽, 講真...我自已就覺得好難睇, 其實化個簡單既妝, 尤其是係熟手既, 十分鐘乜都掂啦...除非...哈哈...喺屋企早十分鐘整埋至出門口啦...但係似乎 Gu Gu好欣賞佢喎, 直情坐定定眼甘甘望住佢..(又唔係靚女..哈哈), 加上今朝起身到出門口, 佢搽左三次潤唇膏 (因為佢話我同佢著衫抺左佢 d潤唇膏喎...) 我好肯定 Gu Gu係超貪靚架...尋日就財政師派糖日, 今日就隔離婆婆派糖日..佢一見到 Gu Gu就比左一袋糖佢...係一袋呀!!! 開心到 Gu Gu呀...好彩佢都肯分享, 都有請比其他小朋友食...講起上黎, Gu Gu 真係收過唔少唔識既人既禮物同糖...攪到我成日都唔好意思...試過因為咁唔敢去一間餐廳食野, 因為嗰個姐姐一見到 Gu Gu 就帶佢去買野食, 我食個餐都係廿幾蚊, 佢買野比 Gu Gu 都冇左一半..好似攞人地著數咁...真係怪怪地...