Gu Gu 大個女左好多~~

Gu Gu 自從九月返學到依家, 雖然係成日病, 但係佢真係叻左好多好多, 回想九月返學仲係乜都唔識講, 淨係識手指指, 呀呀呀...依家講野都有文紋有路, 又唱歌, 好開心, 病都要返學, 不過尋日就冇返學啦, 因為咳得太厲害, 無謂傳染比同學仔啦, (雖然佢都係傳染返黎, 仲要傳染埋比我), 攪到我散晒咁制....去睇醫生, 個醫生仲攪笑, 佢話小朋友最鐘意分享就係病菌, 又係喎...如果唔係都唔駛一個月睇幾次醫生啦, 佢都多得我地唔少啦, 唔係邊布咁好生意~~Gu Gu除左講野叻左好多之外, 佢仲好守規舉添, 食飯如果要添飯添湯又舉手喎, 好得意..食飽飽又識執晒d碗同匙羹入廚房星盤, 又自已著鞋, 仲好有手尾, 識自動自覺唔睇電視就熄電視,又自已執玩具喎, (不過有一次唔小心夾到手指..呵呵), 仲想照顧埋我, 每日同佢返到屋企, 佢都會拖鞋比我, 又遞衫褲比我, 超開心...總括黎講, 佢係可以 2007年大跳躍獎..hahahaha....