濃縮了的男友戒條

今晚在一個留言版上看到一個有趣topic: 空姐男友的一百戒條.

細閱之後,再去瀏覽了這位空姐的blog,感覺很熟悉...

原來她是用blogger,就是我以前所用的,而且也是用同一個背境圖案.

雖然那個舊blog我已沒有再用.但是感覺依然親切 ^^

不過談到男友要有一百戒條未免太harsh,不過我嘗試做個節錄有一些都會有同感.

所以現在來做個純計看看自己有幾苛刻,讓各方好友兄弟姊妹參考參考.

1. 1.我地未必可以一生一世，但希望你同我一齊既時候，每一刻都對我認真
   
2. 2.我鍾意男朋友買禮物俾我
   
3. 3.唔准一腳踏兩船(或以上)
   
4. 4.如果我遲到，都只係因為我住得太遠同想著靚d見你，所以你唔好鬧我
   
5. 5.我係一個會講粗口既淑女，你最好忍耐一下
   
6. 6.鑽石同藍寶石，我永遠都唔會嫌多
   
7. 7.我唔會問你我靚唔靚 (因為我知道我唔靚)，你最好諗定第二樣o黎讚我
   
8. 8.如果你郁手打我，我一定會走
   
9. 9.我好樂意同你行你鍾意既舖頭，你唔需要怕我悶，我會自得其樂
   
10. 10.我唔介意你望靚女，介意既係有筍野睇你都唔同我講
    
11. 11.如果你冇開口講，我都為你去改變，代表我真心鍾意你，請你珍惜我
    
12. 12.我會希望你將我介紹俾你既朋友識
    
13. 13.你先要努力工作，然後盡量抽時間陪我
    
14. 14.你一定要有自己既理想
    
15. 15.你煮飯俾我食，就算只係一碗餐蛋麵，我都會開心過食Rougie鵝肝
    
16. 16.我好有興趣知你既戀愛史，最好由頭到尾同我講一次
    
17. 17.如果你愛我，你唔會捨得要我傷心
    
18. 18.男朋友既功用係對女朋友好，女朋友既功用係對男朋友好
    
19. 19.我希望你間唔中都會俾比d小驚喜我，係「小驚喜」，唔係「大驚喜」
    
20. 20.你講過，而我又應承過既，我一定會做
    
21. 21.我覺得買花好貴，不過間唔中收下又會幾開心
    
22. 22.如果有人追你，記得同我講，俾d時間我做定兩手準備
    
23. 23.好遺憾我冇機會細細個就識得你，所以宜家請你俾多d時間我，俾機會我去了解你
    
24. 24.你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你
    
25. 25.你要記得間中同我講「I love you」，否則我會以為你唔再愛我

最後我想講,原來都抽到25條出來. 希望如果被男友睇到唔會認為太苛刻. 

各位姊妹又認同嗎? hahahahaha.....