點好呢?

如果你係警察,你會唔會唔執行命令,繼續俾人示威,俾人倒亂呢?

我好支持遊行示威既人,亦都好支持保持治安秩序既人~

兩方面既人都有自己既立場,人在江湖姐~

曾蔭權我都會支持,佢都有做緊野,佢亦係打緊一份工,好多野其實佢話唔到事~

呢個係一個制度系統既問題,無錯,呢d人係可以去改既~

但係邊個去改呢?唔係你,唔係我,唔係曾蔭權~

我都好同情佢,佢真係左右做人難既~

豬流感殺到,停課...又話會增加學生出街染病,增加父母工作,又有學生發生意外...唔停課...又話學校傳染快,又話政府唔做野~

試問你係特首你會點?停課定唔停課呢?

好多問題都係咁,睇唔同報紙都鬧唔同既野,綜合左之後既意見會係無裬兩可~

禁煙,娛樂場所又叫苦...唔禁煙,非煙民又會抗議...點好呢?

公務員減薪,公務員又唔制...唔減薪,其他市民又覺得唔值...點好呢?

香港只係一個好細既城市仔,已經有咁多麻煩,咁多問題~唔通真係好似成龍話,中國人要管既?

我相信唔係,我覺得好多野唔係要去抗議,而係去支持,去建議~正所謂正能量丫麻~

多d係人地既立場去想啦,唔好自我中心呀~