迪士尼之旅

睇到呢張相,估唔估到我去邊呢?

答案就係迪士尼喇!!!

今次去係補祝一個friend既生日,都算係同埋自己慶祝啦~

唔夠一個月就去左兩次迪士尼,一個係東京,一個係香港,大家可能會以為我好中意迪士尼既野啦.......其實我都無咩特別中意,但就真係覺得入左迪士尼樂園,成個人都唔同d,真係輕鬆d同開心d,一個奇妙既旅程呀~所以都買左張年票,一年都可以去幾次,都幾好丫~大家都快d買張年票同我過番一日奇妙既旅程啦~

呢日都幾熱下,但ok啦,好多地方都有冷氣,人又唔係好多,可能因為係平日又唔係黃金周啦~主要係去玩鬼屋!雖然有一間鬼屋係同上年一樣既,但都依然好好玩,都幾鬼死驚嫁~我覺得佢好過海洋公園,製作認真d,化妝又好d,人流控制又好d,起碼唔會好多人一齊行...原本我地係行最後,但由於前面既人唔敢行,係中途於是我同我個friend就行先喇,我個friend仲要俾後面個女仔扯住囉~而第二個鬼屋係新既,都唔錯呀,有一part有兩排類似拎住盾牌既土人咁,佢地既腳好似個個都係真人咁,行下都唔知邊個會出黎嚇你,我覺得佢地全部都係真人,隨機咁走出黎既,呢part真係幾正~

如果大家係想去迪士尼黑色世界既,我會建議大家平日日頭入場,唔好去夜場喇~日場d人話玩鬼屋唔恐怖,大佬,鬼屋係室內既,裡面都係黑嫁啦~要係恐怖既,就算夜晚,有咁鬼多人都唔會恐怖啦~點解叫大家去日場玩到夜晚呢,因為日場2:00開始有鬼屋玩,排隊都係排20分鐘唔洗,好抵玩囉,可以短時間內玩曬2個,仲可以玩多幾次~又有時間玩其他機動遊戲,3:30有巡遊,7:30仲有halloween既巡遊,9:00又放煙花...仲有時間shopping~當我地睇煙花前去睇下鬼屋有幾多人排隊既時候...起碼都個半至兩個鐘呀!!!咁點玩呀,又要排咁耐...唔抵囉~我估大家明我咩意思啦~

不過俾我揀我都會揀去迪士尼既,因為海洋公園既技量開始走下坡無咩新意喇,不過即管星期日就去睇下,好在有fast pass,唔係都唔好去海洋公園呀~

送張自製poster俾大家啦~小小世界!