官僚

工作上日日都要和政府一個部門打交道

但好奇怪既係  呢個部門的男人百分百都係懶和不合作

女既就九成九話頭醒尾超好人

先講這部門的男人

有個阿叔 我搵親佢都頭痕

問佢一件事 佢只係俾個時間、地點和一個fact

但呢d我通常都有  我要既係詳細內容

阿叔你手頭上如果無 我唔怪你  但你有就既唔好收埋用黎煲醋啦！

次次都要我盤你 你估我而家係差人咩

我：個傷者係唔係昏迷架﹖ 佢：係

我：個司機係唔係因為醉酒駕駛被捕呀﹖ 佢：係

如果我唔問 佢就唔講 呢d野有幾confidential呀﹖

今朝又遇到另一個極品

我有事件和地點  時間唔清楚 只知件事是凌晨發生

那位男士堅持話我無確實既時間就幫我唔到

我同佢糾纏 就令我火滾！

其實好多時只要有個地點和事件都可以幫我check到

只係佢唔肯做

而且我問佢  其他行家無check過咩 因為我段估應該有其他人問  佢知我問既野係乜

佢就話 呢d野唔關乎有冇其他人問  無準確時間就幫唔到我

其實我問佢既時候 是凌晨五點

咁件事是凌晨發生 你同我逐個鐘逐個鐘咁search 都係花你五次的功夫  都係唔肯

 要知道 你呢個部門係幫緊我地 你估我咁得閒白撞

求其講件事和地點 睇下係唔係真係有事發生呀﹖

我半個小時後知道確實地點 再打去俾佢 事實證明佢一早知那單野的來龍去脈

不過呢個部門的女士就唔同

有禮貌和「善解人意」

基本上同佢地講個時間、地點和個fact

佢地就會自動波咁直去 言無不盡咁講俾我聽 毫無保留

仲會知道我有邊d野要 邊d唔駛 自動skip左d我唔要既野

遇上之前那個情況 佢地多數都會幫我search下 而唔會收收埋

結論是：這個部門的女士真的做到佢地的承諾「服務為本 精益求精」