心事重重

尋日陪婆婆打麻雀，我呢個白痴雖然一竅不通，不過婆婆住醫院的時候應承咗佢出院陪佢打牌，家下湊唔夠腳，都係我“出場”的時候。好彩有柯生傍住，未至於落場“洗麻雀”。

不過婆婆真係好攰，所以玩咗個幾鐘都係算，免得佢太勞累。

二姐姐送佢返老人院時，婆婆意外被的士車門夾到手指，聽到呢個消息真係好心痛~

婆婆竟然無出聲，唔係二姐姐發現佢呆企係度都唔知出咗意外，佢係咪太攰呢？二姐且話同佢去睇醫生打破傷風針佢都唔肯，少有地好惡咁鬧話佢知自己事唔駛去醫院，唯有由老人院的姑娘幫佢包紮。

今日去咗探婆婆，佢o岩o岩瞓醒覺，所以精神尚算可以。但同佢傾偈時感覺到佢心事重重，佢係咁話無事，但佢真係認為咁講我相信嚒？我知道佢唔想我地掛心，雖然而家身體漸差，佢仍然強作無事。

最後陪佢飲過湯佢都有d倦意，幫佢蓋好被讓佢好好休息才離開。

突然有點掛念~