10月11日

10月11日, 一早就係老家出發, 去等待高人到來, 今次係大島, 就真係同係我生命中最重要既人一齊. 歷來第一次吧. 9號一返到, 當然就要見老媽子啊. 還好各方面都不錯, 10號就同佢加埋大二家姐飲茶. 對於而家既我黎講, 真係一d都唔易架.

又講返轉頭, 11號攪乜? 就係高人到來血拚!!
一朝早上大人, 小蘭, 史蒂芬妮從小島過黎, 目的地只有一個, 老旺!!
時值換季, 過來當場就係買衫褲鞋既好時機, 另外就係去採風行搜購新品...

佢地十點半左右到左之後, 就坐巴士落去, 第一站就先醫下肚吧... 嗯, 我就同佢地去左小島無既"屎百加地喉屎", 食芝士火鍋, 價錢都叫可以啦, 都叫做ok, 跟住就去左呢排好多人會去既一間護膚用品店, 卡卡, 呢個安排本來係就時間最好既一個落腳點, 點知之後我就領野... 間野係樓上, 地方唔細, 初初都無乜人, 跟住就黎左唔少人, 佢地逐行行下, 又用左唔少時間, 岩既, 因為都分得好多類別, 先初選, 後再落手, 3個人買左一千蚊左右, 又閃去睇下扭蛋先...

上大人見到個小吉扭蛋既特別版, 係平俾我地, 都要110.- 上大人話當睇唔到, 卡卡, 我都見到好喜歡既恐龍探險隊戰車, 小小地2架都要299.- 暈! 雖然好靚, 不過都係唔捨得架... 遲d又睇下點啦. 之後就去左老旺中心, 而佢地就開始出擊啦, 係新旺都仲好d, 空間大d, 但係一到左老旺, 人多到呢, 真係好多好多, 一批行開又一批, 老野係比較平, 又比小島多款既, 所以佢地當然唔會就咁行完就算. 轉眼間一個鐘, 兩個鐘, 三個鐘... 而我就幫佢地拿住之前買既野, 加上背囊, 一路咁行下, 沖呀, 塞呀... 卡卡...

到左差唔多5, 6點, 終於都攪掂, 咁就返左去我之前同史蒂芬妮一齊去過既餐廳到食野, 果到d野都好食既, 而且通常都搵到位, 而我地就叫左兩個餐, 加d野飲, 就開始執野, 嘩, 真係唔少, 好彩我地既位都ok大, 可以執得好d, 而我又趁佢地執野既時侯, 同佢地計下數, 今次都算係執到, eps用到, 而兩張信竟然一齊失效, 好彩都夠用. 唔係就無趣啦..

攪好左又去好出名既和信中心行下, 講明快快快, 佢地當然就給唔同東東吸引住啦, 好蚊水先拉到佢地出黎, 卡卡, 小蘭想搵既法國歌手cd, 竟然有得訂, 真好彩. 之後就捉晒佢地去等巴士, 果日天氣麻麻, 不過都好彩, 佢地都好"慶"下, 唔怕落雨.. 咁巴士到左之後, 我地就一車到尾, 上船就好, 又好彩可以早半個鐘有位, 咁就無咁夜可以返到小島lor.. 佢地一上船就訓, 而史蒂芬妮都好叻, 無嘔, 卡卡. 到步後出左禁區, 小蘭對眼都dup到乜咁, 佢早d返屋企啦. 而上大人就先幫我帶d野返屋企, 我就送史蒂芬妮返去.

整個行程其實非常好, 而美中不足既係我地無影到一張合照, 要呢班人係大島一齊出現既機會真係唔多. 希望下次可以再影過啦. ^^