網誌分類：Moco戰鬥日記 |
喺到先衷心希望MIU MIU早日康復~快啲好返
噚日係真相既BLOG出個兩段CCTV係真既 ~因為我就係入面其中一個客
呢幾日都一直問自己好唔好寫返我見既野好呢~怕唔怕寫左之後比人係到鬧呢~會話我係DIE HEART FAN又或者係話要同人地擦鞋攞著數呀等等
確實我三隻小朋友都係PAW PALACE 做GROOMING既~
而我同大家一樣 都係一個愛狗如自己小朋友既人~
但為左自己心安理得 我真係好想將我個日所見到既事講出黎…
當日我就坐左係現場 睇住MIU MA接狗狗既情形~
因為個日朋友既小朋友BOOK左時間沖涼 不過因為又未夠鐘到佢 出面個日又落大雨 就提早上左去PAW PALACE等 咁就比我見到當時既情形
當日我先听到店主同MIU主人講 MIU條脷之前可能比其他GROOMER剪到喎 當時我地幾個友人都幾大反應架…嘩~剪到條脷喎~實痛死啦~不過MIU主人…反而好冷靜 語氣好低沉咁話.. [係呀~ 我都唔知添]
跟住MIU主人仲講話佢之前係佢地屋企附近既美容店比人沖涼~不過就越沖越惡 而家連MIU既男主人都同唔到佢沖等等
我個時仲同我朋友講~咩佢咁冷靜既 如果比我知我個仔條脷比人剪到 我實一定發晒癲都似呀
所以當MIU MIU出黎就特別留意佢喇~
個日我係見住佢係美容房比日本姐姐抱住出黎~因為听到之前佢地對話~所以特別留意MIU~我就見佢一落地 佢就好開心咁係到跑黎跑去~仲有走到黎我面前架~我認我係八卦既人 听到佢條脷話有問題 (因為我既小朋友都係呢間剪毛既
緊係八下會唔會呢間SHOP剪到啦 所以就走埋去睇MIU MIU 果時佢比主人抱住左) 我見佢條脷時 係則邊已經崩左一忽(因為脷邊已經好平滑)~而脷尖就係無左少少(不過就真係有一點血)~如果問我似唔似啱啱剪到 我就唔覺似 因為真係好少血~之後因為就係個點血 所以店主叫日本姐姐抱MIU MIU入多次美容房用凍水幫佢洗多次條脷仔~MIU MIU出返黎之後~就見主人睇多一次~同日本姐姐教佢如果返去如果屋企有冰 就可以用冰同佢敷一下 就可以架喇~ 之後就見MIU 主人比錢走喇~
我見既野就係咁多喇~
近日有狗友問起我呢件事 佢係做姑娘既~始終我都唔係親眼見到美容師究竟有無剪到MIUMIU條脷 我都有問佢如果真係個日剪到既~會唔會可以止到血?佢話好難自己止血喎~一定要去醫院先止到架~
我講係我眼見既野~成件事我唔知係邊個啱 邊個錯~不過我只係覺得無野係絕對啱同絕對錯~其實會唔會當中係有所誤會架呢?
平時BLOG都好少理人地既事事非非~我都好少加把聲~
不過今次睇住個日既情形~同而家周圍既人講既野好似有啲出入~我先將我見到既講出黎~
我只係想將我見既野比大家知
事情會唔會有兩面~ 點解傍人唔可以企係另一個角度睇下件事呢~
