人生交叉點

今年8月之前

我地一家都係一直同老爺奶奶一齊住

老爺奶奶嗰度係單幢物業

四週只有蛇蟲鼠蟻同花草樹木 人影都唔見隻

方圓數十哩連士多仔都冇間

買野食野一定要搭車

但由今年8月開始

老爺奶奶嗰度要全屋裝修

一屋人都要揾地方暫住

我地一家三口終於恨到自己搬出黎

一開始覺得我而家住嗰度係天堂

樓下係大型商場 衣食住行乜都有

又近地鐵站 撻拖帶Hayden bb去Element食lunch都得

招積d去ifc買餸都可以

但住耐d就覺得問題黎喇!

唔知係咪同人接觸多左

我自己明顯病多左

8月尾9月尾我都因為傷風感冒要睇醫生食藥

而家10月尾喇! 咁啱我又係傷風感冒, 而家park緊必理痛頂住

Hayden bb都好似病得密左

食完傷風咳藥過幾日又兩行鼻涕

最慘既係....唔知係我地樓上定樓下食煙

夜晚黑會有陣陣煙味响窗口飄入黎

又冇理由叫人地唔好喺自己屋企食煙架....

ai.......真頭痛

為左一家既健康着想, 我地係咪應該响裝修完搬返去同老爺奶奶一齊住呢?

好不容易先叫做有番自己既空間喎!

點好呢?