網誌分類：媽媽世界 |
今日係端午節, 亦係我第一次打女日. 一直而來就算阿女幾曳都只會鬧下, 唔會打, 但今次真係忍無可忍啦！
一向阿女做工課既態度都好好, 冇咩問題既, 但近來就越做越冇心機, 甚至開始亂黎! 雖然我都明白不斷每日都要做劃線又真係好悶好冇引, 但唔代表我可以接受佢唔做, 可以係工作紙上劃到花晒, 甚至掉筆, 而我咪鬧佢, 再同佢講道理, 而佢就唔彩我, 唔睇我, 唔理我, 我實在接受唔到佢咁既態度...........! 試問, 今天她才是三歲, 到十三歲會係點呢??
在忍無可忍既情況下, 我地決定寫佢手冊報串比老師知..... 佢既反應就係即刻喊到癲左, 重不斷破口大鬧我地兩個, 於是.... 就係咁迫我出左手, 恨恨打了她一巴, 她很痛, 我也很痛, 我地大家既痛係不止皮肉上的痛, 還有心裏既痛!
以我所知, 阿女坐係床角喊了很久, 半夜瞓着也喊了兩次, 早上起來也喊醒, 而我們也心軟幫佢改了手冊上既評分, 希望可以減輕一點阿女心靈上既痛吧!
yan 2009-06-06 22:22
Sonia2009-06-07 22:49
係呀~~ 我有時都覺得自己唔係一個好媽媽
貓mE 2009-06-01 08:58
做功課唔合作真係好煩~ 大大下，可能會好d架喇..... 不過係呢個moment，要再辛苦下大家喇！
有冇試過用條件文換？例如做好左功課後可以食某d平時冇咩機會食既野，例如汽水等......
Sonia2009-06-06 22:12
經上次鬧完之後, 佢好返好多啦~~
日日都好比心機做, 真係唔見棺材唔流眼淚