松屋@旺角

聽朋友講松屋既放題都唔錯, 佢地之前試過TST & CWB個2間, 而我見旺角新開咗一間, 於是就去試吓, 不過要早2-3日前book位.

我地book咗5:30-7:30pm時段, 每位$138加一, 亦係最平既時段.  我地準時5:30pm就到, 坐低後梗係拿拿臨寫order紙叫野食, 等咗15分鐘都仲未有野食, 個manager話咁啱個煤氣剛剛整返好, 所以廚房出野有d慢喎! 你呻人咩, 乜魚生同d飲品要煤氣煮既咩!!

個晚成個場都full哂, 而食物種類唔算太多選擇, 不過d魚生都新鮮, 燒物都唔錯, 都可以去一試既!