粒仔的禮物!

今日放假， love baba 同 love mama 出去 shopping! 我地兩個，出到去第一件事唔係買野比自己，而係不約而同去買野比呀粒。 我地都知，平時我地要番工，無咩時間倍呀粒，個衰仔平日在家真係好悶，我地每次諗起都會有點心痛。 所以我地每日番到屋企，都一定會同呀粒玩同抱下佢。 另外亦會間中買 d 新玩具同小食比呀粒。

之前呀粒整親隻腳，好耐都無咩起色，我地都好擔心。 我地唯有長時間鎖住佢。 不過由上星期開始，我地決定比呀粒行下。好奇怪，唔鎖住呀粒佢隻腳反而好番好多! 可能因為唔洗鎖住，佢心情好d ，所以有助復原。

而家知道呀粒隻腳仔唔好，我地更加會幫呀粒打好基礎，希望佢有足夠0既營養。今日，我地都真係買左好多野比呀粒...包括:

- 狗隻用奶粉 ($68)，每星期會比呀粒飲一、兩次，等呀粒補下身!

- 狗罐頭24盒 ($72)，呀粒一向每星期食一次狗罐頭，等佢唔洗只係食狗糧，營養均衡 d! 之前呀粒都係食開呢隻牌子，大約 $7一盒。今日竟然有個好抵0既promotion，就係如果在寵物店每購$50就可以用$3買到一盒罐頭，最多8盒，再買多$50野又可以買8盒。我睇過，全部都係新出0既味道! 嘩! 真係好抵，所以我地買左24盒。當中有8種唔同0既味道，呀粒一定會鐘意。

- 呀粒食開的狗餅乾 ($41.8)，平時我地間中都會請呀粒食下狗餅乾~

- 訓練小食，包括牛奶味、南瓜味及菠菜味 ($47.5 有3包) - 我地會將呢種小食分成細細粒，訓練呀粒學習新指領0既時候用，呀粒都好鐘意食!

- 咬唔爛的雞肉味骨頭 ($48) - 我地都知道呀粒平時好悶，所以買呢個新玩意比個衰仔。呀粒真係表現得好鐘意，我地見到佢禁鐘意我地都好開心。

- 密齒梳 ($38) - 因為舊的爛了，所以要買過一把。

雖然拎住d 野好重，不過我地一諗起呀粒開心0既表情就唔再覺得重~ 呀粒， baba mama 禁錫你，你一定要快d 好番呀!