baba mama 帶我去烏溪沙玩!

搬左屋之後，空氣真係好左好多，而附近都有好多地方適合狗仔散步。最開心0既係，呢度好似好多人都有養狗，每次出街都會遇到朋友仔。

今日係星期日， 其實我聽到 mama 有工事要做，而baba 原本建議出去睇下 d 戶外傢俱。但經過商量後，佢地都覺得假日應該倍下我呢個又乖又可愛0既小朋友，於是佢地就決定帶我去烏溪沙玩。我真係好開心呀!

我地3點幾出發，一路上好多單車，我細粒仔就最驚單車，好在baba mama 知道我驚，所以佢地用車仔推住我，唔洗我自己行，而且不斷安撫我。

行左45分鐘左右，終於到達了!

行沙灘地0既感覺真係好得意! mama 成日都話想我落下水，佢不斷鼓勵而且嘗試拉我落佢，但我最多都係只敢用手仔摸下d 水...然後就掉頭走。

之後，我地行番上石地，仲見到好多唔用0既狗仔~

我...竟然好似大隻過小牧......

其他狗仔一般都生得好細粒，唔知係唔係因為佢地細個果時營養唔好呢!?

呢度好美好舒服， baba mama 一於幫我影下靚相!

真係玩得好開心，時間過得好快...5點幾我地就回家了!

回到家，我們都很累， baba mama 馬上幫我洗白白，因為我行過沙灘，一定要洗得好乾淨架!

當我赤裸裸0既時候， mama 突然影我相，我真係無眼睇~

洗白白之後， baba mama 落左會所食野...之後 mama 做左幾個鐘頭工事; baba 打機; 而我就一早訓左覺~