睇醫生後的第二天

昨夜呀粒始終沒有大、小便，我地真係好擔心。昨晚我地把籠搬左入房，0甘我地就可以一起在房睡。呀粒晚上有哭了幾聲，真係唔知佢係因為唔舒服還是扭計。

今朝一早，呀粒精神左好多，而且一起身仲有大、小便。我地都放心好多! 因為如果呀粒今日再沒有大、小便的話，我地就要再帶佢去診所檢查。狗狗半日沒有小便就有機會中尿毒，會有生命危險。而家呀粒終於肯大、小便，我地真係鬆一口氣!

呀粒真係比昨天精神左好多，個衰仔胃口都一樣好好，係一個好0既開始!

呀粒整個下午主要都在訓覺，個衰仔個睡姿都好好笑，佢真係訓到旁若無人，成個麻「粒」佬0甘呀!

呀粒訓晏覺...

呀粒訓慣沙發，而家要訓係籠入面，佢一於用佢個牛奶玩具做住枕頭先...

比我影相d 聲嘈醒左，呀粒唔理禁多，伸左個懶腰之後又再訓過...

見到呀粒今日好番 d 我都開心番! 我0係度諗，點解我會禁愛呀粒呢? 除左係我自小都覺得狗仔好可愛之外，我諗我係欣賞狗仔0既善良。事實上，人實在係太恐怖了。隨住自己經歷0既事情愈多，就更加體會到人0既恐怖。雖然我地做事係唔應該望回報，但係當遇到一些衰人0既時候就已經唔係回報0既問題。人與人之間，又可以分享幾多呢? 除了係自己0既至親，又有咩人可以信任呢? 用最真最善對人，好多時都係換來失望。 但係，狗仔就唔同，無論挑選左邊一隻狗仔，只要照顧小狗，小狗就會對主人信任同忠心。望住狗仔，可睇到佢地0既眼光係好善良0既...雖然佢地0既智慧遠遠比唔上人類，但佢地擁有0既善良係好多人都無0既。好諷刺，人類好似好優勝，比所有4腳走路0既動物都要高尚，但最基本善良0既心竟然大部分人都沒有。

望住呀粒，真係無可能唔愛錫佢。以往，當我唔舒服0既時候，呀粒總會在我身邊，有時佢會檢查下我、有時佢會錫下我。而家呀粒受左傷，我一定會好好照顧佢，我知道呀粒都會感受得到，希望比多 d 愛會令佢快d 好番。