難得有4日長假期，梗係要帶呀粒去狗公園玩下啦!

難得有4日長假期，梗係要帶呀粒去狗公園玩下啦! 我地兩點幾到達，今日天氣好好，陽光充沛! 而且今日個公園好熱鬧，比起平時多了好多狗狗! 睇下呀粒在大草地內玩得幾開心!

今日仲有好多其他唔同種類0既狗仔，真係好熱鬧!

今日天氣好熱，公園預備左個小水池比狗狗降溫! 好多狗狗都玩得好開心，但係呀粒就因為細贍而唔肯落水。就算 baba 輕輕把佢隻手仔放入池水中，呀粒都驚到即刻掉頭走! 無玩水真係可惜。不過呀粒唔鐘意玩我地梗係唔會迫佢。只係擔心佢今日會熱親。我地只好間中用水濕下呀粒個背脊幫佢消下暑!

雖然無玩水，不過個衰仔都識到好多朋友仔。個衰仔似乎唔多鐘意老虎狗同芝娃娃呢d 品種。個衰仔最鐘意雪犬同埋史納莎! 睇下個衰仔同隻史納莎交頭接耳，唔知係唔係交換緊電話號碼!

個衰仔雖然細膽，但有時都會周圍走接觸下d 新事物。因為呀粒好少見到花，當佢見到有花叢就馬上走過去，佢真係成個細路仔0甘呀。

今日真係玩得好開心! 完全感覺到在這個狗公園，人同狗都玩得好開心。不經不覺，都玩左成兩個鐘了，於是我地帶細粒仔番屋企喇。個衰仔梗係依依不捨啦，不過佢都累了。我地應承呀粒下次再帶佢來玩!

番到屋企，照舊 baba 負責幫呀粒做 Spa; ,mama 負責煮飯; 而呀粒就負責休息。今日係復活節假期，我地一於食好 d! 我地在街市買左隻雞整西餐! 今日我用心整左原隻烤雞壤豬肉配焗薯及茄汁螺絲粉，另外又準備左蓄茄薯仔湯。今次係我第一次整烤雞，估唔到好成功! 我地食得非常滋味同滿足! love baba 仲讚不絕口! 由於呀粒無得食，所以佢表現出一個好不滿的樣子! 我地禁錫呀粒，又點會待簿佢呢! 呀粒伉晚都有狗罐頭大餐。當個衰仔見到有野食又即刻開心番晒!

呢個就係 love mama 精心炮製0既烤雞大餐!