台灣之旅第一天!

22/6/2008

今日係出發天,一連四日既台北之旅!六點幾起身,7點幾就同女朋友一齊去機場啦!8點幾就去到機場,之前搞完一輪例行野就去大快活食早餐啦!

之後就等上機啦!架機11點10分先飛!

我地係搭黎架飛機去台北!

係飛機上面食左個飛機餐,不過都係麻麻地好食,

我地搭呢架機係無電視睇的,不過好快就到台北,大概一小時三個字左右!好快就抵達台灣桃園機場,哈!

去到台北機場搞得黎差唔多2點,之後就去食左個好普通o既午餐

之後就開始行程,第一日其實主要係去溫泉酒店浸溫泉,而且溫泉地點比較遠,所以搭左好耐車,去酒店前之前,我地去左大溪花海,但因為天氣實在太曬,逗留好短o既時間

台灣o既天氣重熱過香港,所以下次再去都唔想夏天去!下面呢個叫梵谷之家,其實就係我地食野o既地方,但我覺得無咩特別,哈!

因為太曬,我地參觀一o的室內o既地方,呢個係一個整香芬包o既地方!

因為時間有限,我地要盡快去溫泉酒店!其實大溪花海景色係好好,太真係太曬了!之後就出發到溫泉酒店!上車訓左陣就到溫泉酒店,我地住o既叫陽明山水溫泉會館!

黎得溫段會館都係浸溫泉,溫泉區係唔會近市區,所以第一日都係酒店渡過,好快check in 就上房,房內有獨立溫泉,可以俾人慢慢浸,當然酒店內重有其實基本溫泉設備!

酒店房間,因為俾我訓完先影,所以好亂,哈!

當然你浸溫泉可以望下陽明山o既景色,附近重有個陽明山公園,俾你行,不過我地無行到,第一日比較辛苦,可能女朋友太耐無早起床,所以有o的不適,哈!都係浸下溫泉,休息下!陽明山o既景色都唔錯嫁!

未完..待續