做我們的媽媽真辛苦

我真係唔係好明我細老念d咩

咁大個仔, 都唔識念! 都唔知佢個腦係唔係生係個屎忽到

21歲仔冇讀書! 冇搵野做! 日日唔係訓覺就出去飲酒, 完全唔見佢比心機咁搵工,

06年去左英國讀高中, 08年就冇讀, 足足浪費左亞媽30幾萬!

之後亞媽比$佢考私家車, 考左3次都唔pass, 佢擺明就懶啦, 等運到咁!

唔讀書又考唔到車牌都唔返澳門喎, 仲要每個月叫亞媽攞$比佢係英國生活, 佢話返黎澳門就可以即刻返黎, 亞媽即刻比$佢返黎, 又唔叫佢係英國搵partime做下, 正係識得洗亞媽$, 享受生活, 完全都未捱過! 佢都唔知啲$點辛苦賺返黎!

好喇~ 今年5月就返左黎澳門, 直到依家12月了, 都未有工做! 日日晚晚都出去飲酒訓覺

我見到d咁既廢人係屋企敗亞媽啲$就火都黎9埋

我叫左亞媽唔好比$佢洗, 等佢知道冇$係幾咁苦, 逼佢黎搵工做, 但係我見到我細老冇改過, 仲係晚晚玩到天光, 原來我媽暗地裡有比$佢既, 咁姐係點姐?

我明我媽點解仲要比$佢個仔, 佢唔忍咁, 個個父母都錫自己d仔女, 唔忍心見到佢地唔開心, 唔想佢地發脾4, 可能有一日我都會咁對自己個仔, 我未知, 但係我好希望將來我個仔唔好似我細老咁傷害屋企人個心!

我媽d朋友d仔女個個都大學畢業, 正係我媽d仔女咁唔生性! 我就讀到高中, 考大學又考唔到, 想出外國讀書又唔敢去, 因為細老話要去英國讀, 最後我都放棄唔出國讀, 所以18歲就開始搵full time job做.

係今年考到份政府工我媽先覺得好開心, 佢先覺得驕傲, 一講到佢個仔, 佢都滿面眼淚, 佢覺得浪費左咁多$比個仔讀, 讀屎片返黎, 一事無成, 懶到連工都唔搵, 正係識得吃喝玩樂, 講出黎比人聽21歲仔仲係雙失青年, 人地都會笑我媽蠢, 有時聽到佢d朋友咁樣話佢, 我都覺得我媽好慘

媽咪一個女人養大我地兩個, 佢好辛苦, 好似到依家咁, 不停咁為我地好, 幫我地打點一切, 連仔都幫我湊埋, 所以我覺得做我地ge媽咪係好辛苦!

我媽咪驚我地日頭返工辛苦, 所以夜晚佢會幫我地湊個仔, 個仔就同佢訓

所以媽咪咁幫我又咁錫我, 我見佢個仔咁懶唔搵工做

我都周圍叫d朋友介紹份工比佢, 又叫以前金沙個經理請佢

已經交晒野比金沙人士部, 都係等電話去簽約, 但係人地後尾話唔請佢, 因為佢冇聽電話, 初頭聽佢講話金沙冇打過電話比佢, 我都信, 咁都冇用啦, 人地都話佢唔聽電話, 我都唔知係hr錯定係佢, 直到琴日我有個朋友話我知佢地公司請人, 叫我比我細老cv佢, 比左佢, 之後有3份工比佢簡, 可以去interview我咪打比佢lo, 佢就話唔做喎! 真係巔架! 有冇搞錯!!! 初頭自己講到好想做野, 依家我幫佢搵到工, 佢就咁樣, 話等緊賭廳請佢做公關, 正一傻hi黎! 以為賭廳實請佢! 食蕉啦! 我唔係為左我亞媽, 我都唔會幫佢搵工, 真係嬲死我! 真係唔知佢幾時先識念, 唔洗我媽再為佢擔心!

下世有得比我簡, 我都會簡做我daddy mami既乖女 

雖然依家冇福份對daddy好, 但係我會好好咁愛錫同珍惜我媽咪