為了張銀紙，又排長龍？！

昨晚放工，我打電話畀佢，同佢講塔緊電車時……
我：「老公，我放工了，攞埋沙律同粉皮到姑奶屋企食。」
他：「嘩！頭先我在丁丁上經過中銀門口，見到好多人吖。吾知銀行係吾係擠提？」

我：「吾係掛，我大部份的錢都係中銀wor，咁咪好大鑊 lor。」
他：「我吾知係吾係嫁，我見到好多人係銀行門口排晒隊，吾知發生乜事。」

我：「係吾係嫁，銀行擠提！香港的銀行仲有擠提 lee 回事？你睇吓電視機新聞有冇講乜，或者打畀媽媽問下佢知吾知乜事。」
他：「咁好啦，我打畀媽媽啦，你返嚟啦！」

我一返到屋企，即刻問佢……
我：「銀行吾係擠提嗎？」
他：「我問咗你媽媽了，原來係發行奧運紀念鈔，搞到咁多人排隊買紀念鈔。」

我：「唉！香港人真係冇嗰樣整嗰樣，為咗張銀紙，又排餐死。差D畀你嚇死！ 」
他：「我吾知吖，見到咁多人，我以為擠提。」

你話吖，係咪畀佢嚇死呢！
到咗晚上我去完姑奶食飯後，見到真係勁多人，我梗係忍吾住爆佢哋相啦！
第一手真相，獨家相片，Yeah～～～～

之後仲「黃色暴雨」添，咁多人排隊輪候紀念鈔期間多次發生衝突，最後由警方介入調停。我都見到多名警員行嚟行去，仲有市民在惠康買了一車水，真係好鬼兇布。
好彩，一直堅拒提早派籌的中銀，到深夜中銀突然宣布優先派籌。聽新聞報導講，紀念鈔的售價已被炒高三倍……
They are crazy～～～～～

仲要一班記者陪埋佢地一齊傻，唉～～～～～