再見了~~我永遠都記得你

好耐都無寫過網誌了，因為唔知寫乜好，好似寫黎寫去都係個d野。，雖然我自知自己唔會唔記得，但係今次既事我想記底‧想舒發又去，因為我自己都唔自己想點.........

我既希望係可以做媽媽，呢個係我咁大個女既夢想。因為我實在太鍾意小朋友、BB，成日係度諗自己幾多歲可以做人地媽媽‧到我結婚既時候，人人都祝我地年生貴子，快D生個金豬仔，我都不知勁流口水。無幾耐，我真係有左，我發夢到估唔到，我終於做人地媽媽啦‧

知道左之後，我既心情勁興奮好開心，日日都好小心咁驚郁到個BB，老公又越黎越錫我，一齊係度諗下第日個BB出世之後會點‧我成日都摸住個小肚腩仔，成日同佢講野，雖然個肚未見，但我覺得佢會聽得到‧風平浪靜左個幾月，無端端有少少血，好驚呀人地話流血係作小產既症狀，我喊晒口去急症，我好驚個BB會無左，我好驚，去到醫院留醫，醫生同我超聲波話個B太細未見到心跳，叫我遲D返黎再照，我已經好驚佢已經走左，唯有係屋企休息，唔返工咁保住個BB，又平平安安咁過左一個星期，無端端佢又流血，但佢又得少少少少咁，點知打後個幾日越黎越多，個種感覺真係好唔知點，仲要發夢有人同我講你個BB唔得啦！我已經唔知點好......

我又再入醫院，當晚佢地再同我照超聲波個陣，我不斷祈求上天保住我個BB，令願我勁痛勁辛苦我都要保住佢，但結果話比我知，個胎囊有大，但入面無BB無心跳，即係話你已經小產左，我聽到既時候我淨係係度喊，問醫生點解會咁~~如果個BB唔得咁胎囊就唔會大啦，佢話好多醫學都解釋唔到，有可能係染色體有問題‧天呀~點呀你要咁對我，你比個BB我，但你又要拎走，我真係接受唔到呢個事實‧我老公係病房門口等我，我一出去淨係攬住佢係度喊，點解會咁，點解要咁對我...我又無做錯野...點解....人地陀又無事，我就要咁樣..........

第二日，醫生再同我照清楚，跟住佢就話要比藥我食，令到我痾個BB出黎‧我已然唔知用咩心情去聽醫生講野，我淨係知姑娘比藥我食同埋講解食完個D藥會有咩反應個陣，我已經失控，當我要食藥落口個陣，已經變成人個淚人，我係度諗，再見啦！BB，我唔可以再同埋你一齊啦.....

食完藥後既反應，令我生不如死‧個D陣痛令到你痛不欲生，個身已經痛，但點都唔夠個心痛‧我一諗係病房附近既孕婦，我又會喊，點解人地可以陀到，但我就無左個BB..........。但晚已經痾左個透明既波波物體出黎，但個姑娘話仲要痾個D胎組織，如果唔得就要括宮‧第二朝再照個陣，E生同我講話個肚組織係個子宮頸度出唔到黎，要幫我拎佢出黎，個種感覺好痛好痛~~我個入面個B已經完完全全咁離開左我‧

我老公同我講，仲有我係度，唔好亂諗野，我地仲有大把機會再生BB‧雖然我知我老公都好傷心好痛，但我自己真係忍唔到係度諗好多好多野，我一諗係就喊............