兩歲人仔首次面試

 

今天兩公婆放假，

但比平日上班更早起床。

軒軒要到學校面試啊！

 

我一早起床準備，

心情就像第一次見工一樣緊張。

 

在車上，我不斷跟軒軒說上學的好處…

「有好多小朋友同軒軒一齊唱歌、跳舞、畫畫、寫字…」

軒軒沒精打采的說…

「好呀…」

雖然他都很喜歡跟同齡的小孩相處，

但沒有很開心的樣子呢！

 

以前經常問軒軒…

「返學好唔好呀？」

他只會答：「唔好！」

但路過在屋苑樓下的幼稚園時，

他又會歡天喜地的跑了進去，

老師們都認得他了！

 

前一晚已經不斷問軒軒…

「去到學校見到人要講咩呀？」

軒軒揮揮手：「Hello，早晨！」

(唔知以為真係咁醒目。)

(今日我都夾番隻夾扮斯文。)

 

想不到沒有家長拍照留念，

我是偷偷拍的。

(手機照片)

 

拍得最清楚的一張，

但我連手袋的帶子一併拍下也懵然不知。

實在太緊張了！

(手機照片)

 

等待面試中…

(手機照片)

 

Baba陪軒軒疊積木，

盡量令軒軒放鬆心情。

(手機照片)

 

面試後一見到Harni便要抱抱

然後說…

軒軒：「軒軒好叻仔！」

(一D都唔叻呀！)

其實軒軒面試表現一般，

不過不失啦！

算是比我預期中好。

沒有期望便不會失望嘛！

老公經常掛在口邊。

*

*

準時9:45am到達。

見到好多小朋友，大部份都好開心，

有D好安靜o係度等。

果然不出我地所料，

軒軒一入到去就拉住我地嗌走，

我地又要氹又呢樣o個樣先安撫到佢平靜落黎。

之後就分組排隊搭Lift上禮堂聽介紹會，

都係預期之內佢會坐唔定，扭落地。

好多小朋友都肯坐定定睇影片同聽校長講野，

點解我隻仔會咁架呢？！

我拎D餅出黎氹下先勉強搞得掂，

好彩校長都唔係講左好耐。

跟住分組入課室等面試，

課室裡面有一張檯，

有好多益智玩具、玩具車…

未嗌名面試o既小朋友就坐o係度玩。

輪到軒軒，又係預期之內，

唔肯離開個位囉！

面試只可以一位家長陪同，

老公負責陪軒軒入去。

我o係屏風後面裝，

老師問軒軒叫咩名，唔望唔答！

問邊個帶佢黎，蚊滋咁細聲話"Baba"。

老師指住圖書裡面o既橙同貓，

佢識答但唔答！

唯一驚喜，老師叫軒軒跟唔同形狀擺番o岩位，

平時o係屋企永遠都擺唔o岩，

今日竟然全部o岩晒。

都算係咁喇！

*

*

 

本來打算在面試後，

參加另一分校的開放日，

但我們沒吃早餐便出門，

還是待下個月面試才去參觀了！

 

平日起碼十時才起床的軒軒，

甫坐下便撐不住了。

 

Baba：「頂住呀，唔好訓！等埋D飯飯黎先呀！」

 

之前經過麥叔叔時叫我買的薯條，

其實都只吃了幾條。

 

這個時候用薯條吸引軒軒都沒用了！

 

為軒軒點的台灣牛肉飯…

 

雞扒也是軒軒的。

 

服務員也相當之細心，

看見我家的印尼姨姨，

特別提醒我們白飯裡有豬肉。

 

喜歡白飯上加入肉碎。

 

近來又再次戀上珍珠烏龍奶茶。

 

結帳時，軒軒又突然醒了！