又密cow

唉, 原本放4:00 - 到而家都唔走得.  通常就係呢個時間來爆大鑊, 我都估到架啦.

而家仲等緊阿工程師先生的回覆, 才可以答埋個客, 唔係佢地又放唔到工, 我地又夜唔到工.

我今日專登8:00幾已返到公司, 早d做完d野可以早d走.....次次都係咁事與願遺!

等緊的時候在想 - 上次篇澳門(11月) 都未出, 我明天又去澳門了.....所以趁有直檔出左了.

今次又係住威尼斯人, 不過都無咩特別, 又無去到d咩的特吃地方, 只係第一次在澳門睇戲....睇左2012.

不過有新發現, 就是法蘭度, 呢間野來過幾十次了, 次次都係乳豬, 燒排骨, 煎蝦, 蜆, 沙甸果d.  味道好好, 今次食過另外d野.......

鹽燒立魚

味道 - 只有一個字........好!

燒得剛剛好, 好滑, 好多汁!  比煎蝦好食!

以後去法蘭度都要食呢個.....鐘意食魚的朋友不要錯過.

另外一個驚喜 - 是奄春 - 我平時唔食呢D野.  但係真係估佢唔到咁好味WOW.

好食過我上次的法國私房菜10倍, 好嫩, 好入味.  仲要好平.....有3只咁多...好似唔使80元.

明天去3日澳門過聖誕, 但係唔係去玩....有野做架! 

聖誕快樂!

澳門黑沙海灘法蘭度!