第一次煲湯 -- 響螺花膠煲湯

今日, 小倫short week, o訓醒後, 睇o左一齣感人電影 -- "地久天長"之後, 去o左大埔墟食美味盅頭排骨飯, 跟住就去o左大埔墟街市入貨呀!!!因為屋企o既凍肉已經食晒好耐......買買下, 兩個人就無聊話反正今日無乜特別o野做, 不如試下煲湯啦...

煲乜好呢????揀飲擇食o既我, 肯飲o既湯來來去去都係o個兩款, 上次o向阿媽到又拎o左少少花膠返o黎, 不如就玩下煲花膠湯啦....

決定o左就去買埋其他材料先....第一樣, 買幾個響螺先...yeah, 行o左一轉, 就搵到一檔生猛o既響螺喇, 阿姐仲好好人咁幫我地清理好, 又教我地應該再加d 乜落湯o添....

跟住, 再去雞檔買隻細o既雞先.....當然, 我地唔係買新鮮o架啦, 只係買隻細細地, 又劏好o既就ok 啦.... 真好彩, 又遇到好心o既阿姐, 佢幫隻雞去頭去頸 (我好驚見到呢兩個部份o架!!), 再剥埋皮, yeah, 咁就無咁肥啦.......

之後, 再買埋少少豬月展同埋淮山, 掂晒, 買齊所有材料就返屋企lu.....

休息o左一陣, 就同小倫預備下d材料先.....

首先, 將d 花膠同埋乾螺片浸軟;

洗乾淨晒d 雞, 豬月展同埋響螺;

跟住就將佢地逐一出水, 阿媽話係要將d 材料o既dirty o野滾o左出o黎.

3, 2, 1 ...ready, go !!!!!可以開始煲喇!!!!!

經過兩個鐘o既慢火煲, 好香呀!!!!!

試下味先....Yummy!!!

估唔到第一次煲呢d 湯都幾成功喎!!!!

下次可以再試呀!!!!