Lunch @金鳳大餐廳

唔知有無朋友仔去過呢樹食野呢？ 每次搭車經過時都見到好多人係門口等位，所以有日又係搭緊車時諗食咩，就決定黎左呢樹喇。

午飯時候去到又緊係要等位啦，不過好彩唔係等好耐。

入到去其實都幾迫下，不過張就下啦，蔡生好似都介紹過既~

d野唔太貴，我地兩個人叫左一個西冷，一個鴛鴦扒(雞+豬)，味道都ok。因為係套餐所以有餐湯，不過因為d湯唔熱，所以扣左d分。

餐飲仲得意，原來好細杯架，係平時餐廳俾杯茶你(我要黎洗刀叉)果隻，正常大細果d要加$3，我地緊係加啦，唔差果幾蚊。

總括黎講野食OK，不過環境唔舒服，所以都未必有下次~

金鳳大餐廳

太子荔枝角道102號金鳳樓地下