Adobe Photoshop World 2009

上星期四, 去左呢個event , 結論係: 好正!

如期叫event , 其實叫party 仲貼切, 因為真係好好玩!!! ^o^

朝早九點幾開始排隊入場, 登記後, 送上一大個紙袋, 入面除左有介紹cs4 的quick tips 之外, 最合我心意的, 就係Russell Brown的教學光碟!!!!!

更估唔到係, 原來係有"簽--名--會"!!!!

不知是大會見時間尚早, 還是趁機會難逢"益"街坊~坐响度等左半個鐘, 忽然宣佈現場朋友可以憑附送的光碟, 向Russell Brown 索取簽名留念!!!

中間就係排隊的人龍.......

我亦有幸可以同佢合照呀, yeah!!!  佢表情非常豐富的....好生鬼
(相片經過加工處理, 我當然唔係咁樣去搵佢啦 ^o^)

Russell Brown 果然名不虛傳, 非常風趣幽默, 而且技術高超, 示範左好多特別效果同hot tips!
例如cs4 的content-aware ratio, 新版本的mask panel ...

睇到全場嘖嘖稱奇....

只要不吝嗇掌聲及回應, Russell Brown 便會給你大派記念品!!!
我都想要tee 恤架~~ 黑底金色字, 好靚架....
可惜反應唔夠人地快~~ 比人拎晒咯~

最深刻係原來cs4 , 新增輔助wacom intuos4繪圖板的功能,   據說bamboo 都無的新功能呀! ^o^
就是這幅圖咯!!

右上角可以看到"虛擬"的畫筆brush (黃色那枝畫筆), 可以隨著wacom 筆的感壓力,   改變"虛擬"畫筆的方向及形狀, 好似真係拎住支畫筆在電腦塗顏色一樣!!
fantastic!!! 睇完我都好想即刻買個wacom intuos4 用呢~

仲有好多示範~~

例如執走草地呢個人..... 原本只係教緊skill, 但佢話呢個係scott kelby(他也是教photoshop技巧的大師) , 真係估唔到, 笑死我~~

又講左一d cs4 新加插的功能~~ 例如呢個"the emailer" , 可以在photoshop 做完野, 直接send email 出去比客~~ 好方便呢!!!

同場仲有Michael Stoddart 在下午時間講解~~ 不過我相機無電, 唯有得個"睇"字啦~~~

真係講左好多SKILL, 不過呢度講唔晒, 有機會再慢慢同大家介紹下!!

我覺得呢個係party , 因為呢度除左"教學"之外, 仲有抽奬, 仲有refreshment 茶點添~~~ 實在太開心了!!

不過可惜抽唔到wacom 板啦~~~

如果下年仲有呢d event, 我諗我會再去的啊!!

呢個就係入場送的紙袋啦....設計幾靚!!

場內做完問卷, 可以拎埋年曆, 入面都幾靚的!!!

備註--入場要訣:

去呢d 場合, 出發前, 我會猶疑, 應該帶notebook 去, 跟住教學一齊做? 還是帶相機去呢??

結論: 兩樣我都有帶, 不過, 都係相機方便D...唔駛驚跟唔到佢地的STEP 嘛!

不過, 我 notebook 唔夠電~~~相機嘛, 都一樣唔夠電.... cry....

早知帶用AA電芯的相機啦!!!

今次真係學左好多.... 下次再同大家介紹!!!!