十一國慶

今日約左阿 jade 返公司 OT... 原本打算 3號先返...不過小 jade 話不如改 1號返啦... 咁都無所謂既...旨在返公司入單啫~~

我地十點到去到 kwai fong 既大快活... 試左個想食好耐既黑松露早餐... 第一次食黑松露.... 講真都估到大快活d 野唔多足料...真係俾黑松露你咩... 不過聞 + 食落個種味...真係好濃郁... 唔可以講好好食... 不過唔難食嘍... maybe 我個人本身唔太鍾意d 香草味道啦... 但都值得一試既~

講開去大快活.... 講真我唔多 like 去呢d 快餐廳食野... 唔係覺得 cheap or 唔好食... 我係唔鍾意要自己搵位嘍.... 眼見d 人真係好無品.... 明知成場都係人... 個個都等位食飯... 有d 人仲可以好無品咁坐係度 hea 架喎... 有d 拎住杯水睇住份報紙好似想坐成個上晝咁... 睇到真係眼火爆...  我等位個到係一對中年夫婦... 佢地已經食完野... 淨返半杯 coffee 咁啦... 咁我心諗都係等你一陣架啫... 點知個老婆仲拎住成本字典咁厚既英文小說係度睇.... 得閒睇兩頁... 飲一啖又同老公傾兩句咁... 我等左佢好耐都唔捨得起身... 大佬呀...睇書去 starbucks 丫嘛... 係大快活睇書架咩.... 呢d 文化人真係無咩文化嘍~~ 囧

嘆完早餐就返公司... 十一點幾返到... 開始研究個新 system "FMS" 啦... 上次返大陸已經學過一次點用...不過實際上打過幾份單先知有咩問題嘍... 我同阿 JADE 入一單份已經用左一個鐘... 個 system 古古怪怪咁... 好多野都未完善... 唔知係我地唔識用丫...定係個 system 未 set 好... 真係搞到成頭煙... 原本以為返黎四個鐘可以入到唔少 job 啦...因為九月所有單都要翻入... 黎緊十月新舊 system 又要一齊用.... 好多文件要打... 點知家陣入一份單都要一個鐘... 二幾百三百份... 我地要入幾耐呀？！

後尾打熟左好少少嘍... 不過d 單仲有好多問題未解決...要等大陸放完假先可以搞... 最後成五點先走... 兩個人入左廿份單左右咋... 好似有d 浪費時間咁... 做左大半日都無乜成效... 唉~~

收工返屋企個人好攰...感覺好似無放過假咁... 雖然返晏左兩個鐘... 但都係比平時早走左一個鐘咋...陰公~  返到屋企即刻瞓左一陣... 因為2號又要返工嘛....