OPS Gathering

今日民民無啦啦戚起條筋話夜晚出去食飯... 反正我都無街去... 咁事但啦... 問埋 tony 去唔去...佢又好神奇話去喎... 於是四個人收工就出去 TW 小肥羊打邊爐喇....

我地七點收工... 打的過去... AROUND 七點半到喇... 任食兩個鐘... 無睇幾錢一位... 因為打算 CLAIM 公數嘛... 我地叫鴛鴦煲... 得民民一個食辣要麻辣湯底... 變相佢自己一個人食晒一邊... 呢度每人會送四兩羊肉... 點知四個人都係得民民一個食羊.... 佢一個人食晒十二兩... 勁！ 我原本想幫下佢手食咁D... 點知真係好 SO... 頂唔順嘍...民民話落麻辣湯底會去左D SO 味... 咁我唔食辣架嘛...玩我咩~

我地四個人叫左好多野... 全部都眼闊肚窄...食淨左好多野嘍...其實我地都食左好多野架喇...TONY 真係好細食... 食左無耐就休戰... 得返我地三個食.. 食到我差D 反肚... 最後埋單要七百幾... 都算抵食既~~

老細成日叫我搵晒D OPS 出黎食飯講公事... 講真...食飯呢D HAPPY 野點會提起公事架... 係提起都係講是非架啫...  呢餐民民話佢負責 CLAIM 數喎... YEAH... 唔關我事... 跟住 TONY 見咁早話去唱K... 點知民民夠鐘要交人...所以九點幾就散BAND 喇...