同行聚會

今日打三號波... 但一早約左行家出黎飲野... 其實都唔多想出... 阿生哦左幾日.. 話我出爾反爾喎... 我無諗過佢搞得咁大架嘛... 十幾人出黎.... 個個我都唔識既.... 佢話我應該出黎識多d 行家... 了解一下市場 & 收下風咁喎.... 咁最後唯有焗去啦... 打算坐一坐就閃人~~

撞岩今日家姐生日... 我地係 TW 意粉屋食飯慶祝.... 食完飯我同小 jade 就出 TST 飲野喇... 呢間野係 cristy bf 開架喎... 平時我都唔蒲開... 真係唔多識路去寶勒巷... 摸到去又唔識搵間野喎...

上到去仲驚... 好有私竇 feel... 到門 lock 實既... 入到去幾個姐姐負責帶你入房啦... (佢地成班一早開始左... 我地因為食埋飯先去... 所以比較遲)  成個場都好黑下~

入到去.... 嘩... 起碼十幾人... but... 無一個係識既... 除左 cristy 幾年前見過一面外... 其他全部都係第一次見.... 阿生係咁易介紹過幾個人就行開左.... 我就悶到爆嘍... 因為唔識飲唔識猜.... 又唔想唱歌.... 佢地個個都開得好開心嘍... 因為好多都已經一早識落... 搞到我同小jade 好似... 外人咁嘍~~

因為我地堅持唔飲酒... 佢地都好好唔逼人飲... 所以成晚我同小jade 就飲可樂... (入場費要成$120 架... 不過我都情願飲可樂嘍)  其實因為人太多... 又嘈... 基本上都傾唔到偈嘍... 我又唔知佢地玩緊d 乜喎... 淨係叫我玩.... too bad.... 我玩咩都未知嘍.... 就係咁... 係度玩下骰盅... 玩乜野香蕉樹(？！) 呢樣個樣... 玩到十二點左右我地就閃人喇...

就係咁... 呢次行家聚會就結束左... 除左見過一班人之外... 就咩都無傾過嘍... 下次都未必會再出嘍....