民民放大假 - Oct 30 - Oct 31

民民又放大假... 佢好似成日都放假去旅行咁...今次話請日半去 bangkok 玩喎... 三日去bkk 有咩好玩呢？！

今日星期五忙到甩碌... 唔知做咩就係好多野做...電話啦.. mail 啦... 做到手仔無停... 加上有d 野自己做無 pass 俾小jade 幫手啦...佢幫手搞掂民民d 野已經好好架喇.... 話就話我同 jade 係佢職務代理人... 不過實際上做既係阿jade ... 民民都無野交低俾我既... 咁我識鬼跟你d 野咩...你講低就話啫... 話雖如此...我已經儘量淡出唔理佢d 野... 最多我自己做返自己野...唔掉野出去架啫... 俾晒成個小jade 跟你d 野已經算唔話得啦... 係咪先... 點知我忙到氣咳個陣... lisa 又不停係msn 問我呢個 mail 覆左未...個個 mail 做左未...大佬呀... mail 我係有睇到... 但做個件唔係我丫嘛... 一.一"   真係煩少陣當幫忙啦~ 我已經不停話阿jade 做緊...阿 jade 覆緊... 佢都照樣問我... 乜你無阿 jade msn 咩.......

最離譜我今日發現民民十月頭有兩日既半晝無返工... 佢竟然自己簽自己有返工！真係頂佢個肺丫... 你遲到還遲到... 無返就無返... 無可能無返工當自己返左架嘛... 之前阿nick 咁樣做我已經好嬲... 平時你返工遲到早退我都算... 但呢樣野真係無得算...無得忍...我實要佢改返 record 當請假... 唔肯我實話俾 lisa知... 雖然咁做有d 小朋友...但真係好唔公平架.... 兩日都係咁.... 有無搞錯~~