釣墨魚

Tony 無啦啦搞釣墨魚... 阿 jade 佢又好有興趣去喎... 咁我咪跟埋去嘍... 今次係去西貢釣墨魚.... 記得好似七八年前同d 舊同學玩過一次... 個次都幾悶... 釣左成晚都無咩收穫... 今次我都預左釣唔到架喇...

星期六收工係公司 hea 到成四點幾先走...因為 jade 唔舒服...我叫佢係公司瞓一瞓先出去... 我就係公司上網...咁岩 jason 又咁無聊唔收工...同佢吹左成個幾鐘頭水先收線.... 阻住我上網... 哼！   

西貢呢個地方真係好少去... 對上一次係同阿k 佢地入去BBQ... 今次算第二次去嘍... 入到 JOIN 埋阿 jade 三個 friends... 跟住搵埋 tony 就上船喇...

差唔多七點上船... 架船都ok 靚喎.... 好企理下...不過一上船就要人除鞋嘍... 我地又唔多想除喎... 佢無話船頭要除鞋... 所以我地六個人就霸左個船頭玩自閉.... 無耐船主俾d 工具我地教我地點樣釣... 聽完就由我地自由發揮喇... 我玩左一陣就無心機釣... 掉左個魚絲俾林峯就算.... 跟住成晚流流長係度吹下水咁嘍... 原本天氣都好熱架... 點知出到海吹吹下開始涼涼地...仲有d 凍添...不過吹下吹下真係好舒服喎~~

最後阿jade 同三個朋友都有釣到墨魚...我同林峯因為無咩心機釣... 最後都係食白果... 算啦...不過成船人收穫都唔算... 船主將我地d 戰利品即場煮熟俾我地食... 好好食喎... 我呢d 無份出力有份食... 真開心~~

十點幾起程返上岸喇... 比我想像中好玩嘍~~

我同生病中既小 jade... 因為佢今次叫埋三個 friends & me 去... 所以唔舒服都焗住要去... 萬一佢甩底我地幾個都唔出席... 到時又費事 tony 唔高興啦~~

combine 三傻喎.... 我唔認架....

好多人... 不過查實真係一齊玩既都係得我, jade, joey, crystal, 肥明 & 林峯....

隻船臨返碼頭影既...爭d 跌落海... 幾瘀下... 返去先出事唔好丫嘛... 真係~