按摩+刮痧

呢排個膊頭痛到癲.... 好似有隻鬼坐係個膊頭到咁嘍.... 痠痛到想死~~ 想走去 dum 骨好耐喇... 不過花老爺唔好呢味野... 通常都係等 jade jade 有時間先一齊返上去... 咁岩呢排小jade 又覺得痛... 我地就揀左今日上路喇~~

我地去返上次tony 個間骨場dum 骨... 因為師傅dum 得舒服而且價錢相宜... 雖然環境唔係好華麗好靚個d...不過算係乾乾淨淨嘍... 我地點幾收工就出左 tw 搭大巴去皇崗... 過完關就打的去骨場喇... 雖然兩個唔算好熟路...不過咁樣摸摸下又俾我地摸到去...去到都成三點半喇... 即刻洗白白dum 骨！去之前叫左 tony 打返去留師傅幫我地dum 骨...我上次揀左222呢個師傅... dum 完唔會周身痛...正~~ jade 就揀左 22...佢都話dum 完好舒服... 呢度係一個師傅跟到尾...一個鐘頭腳...兩個鐘頭身... 咁樣都幾好... 我諗我會 keep 住去呢間嘍...

我地按身係揀推油...咁樣按無咁傷... 舒服好多架...不過少少尷尬嘍...    不過痛起上黎... 真係咩都唔理得咁多.... 一.一"    師傅上次已經話我個人濕氣好重... 所以背脊成日有好多粒粒...同埋個人火氣好重... 推兩下個背脊已經紅得好勁.... 佢叫我今次忍一忍做刮痧...做完個人好好多... 聽完搞到我心思思想整...因為個背脊成日都好多粒粒... 點整都無辦法搞掂....如果痛一陣可以搞得掂... 我梗係試下啦... 師傅話小小痛嘍... 到真係整個下... 痛到癲呀！ 佢已經唔係用最緊個隻去刮... 但係已經痛到好似劏人咁嘍... 佢係咁刮我就係咁嗌... 最後我忍到差唔多刮晒成個身... 小jade 忍唔到... 刮左幾野就收左皮... 師傅話小jade d 濕氣仲勁過我... 哼哼...遲d 你就知死~

刮完成個背脊慘不忍睹... 又紅又紫又黑... 仲起左好多粒粒嘍....個背脊輕輕力掂下都好痛呀.... 不過希望少少痛過後個身體真係會好返d 啦... if 真係好左我諗我會 keep 住刮架... 要靚唔要命... :p

按完埋單都係 rmb 120/person... 私底下俾既小費就豐儉由人啦...我地俾 rmb 50嘍...唔知行情幾多呀... 我諗都 ok 夠卦... 咁樣按一按就 rmb 170 喇... 比返之前去好靚個d 骨場按... 起碼要rmb 300 先走得嘍...

按完我地去左 "大漁" 食鐵板燒... 今次係我第三次黎食... d 野一樣咁好食... RMB 150 任點任食... 款式都算好多架.... 樣樣試D 都叫抵食既... 呢間野真係值得推介呀！ 食完野我地就返香港喇... 返到屋企都唔駛12點... 好想下個月再黎多次呀~