失控

因為颱風 莫拉克 吹襲台灣... 搞到好多船都要避風而 delay.... 我呢... 就搞到一鑊泡嘍... 唔明d 客點解可以唔接受因為天氣影響而引致既延誤既呢？ 上年又係咁... 因為颱風多...船期亂... 呢個客就話鬼左我好多次.... 又咁又咁... 點搞都唔得... 總之要準時交貨唔俾額外費用... 頂... 做生意唔係咁做架嘛.... 你估真係惡晒咩...

今次又係咁... 因為一早已經知道隻船 delay 左... 於是出 mail 通知唔會準時到廠交貨啦... 問佢轉走陸運得唔得... 佢又係一堆廢話飛過黎... 唔可以遲...又話陸運貴過船運... 唔肯俾... 又話要佢承擔唔合理喎... (要我承擔先唔合理嘍)

我問蘇州 agent 點... (佢係屋企同我 msn 而我仲係公司嘍... ) 佢又話唔關佢事... 如果明知遲就唔好接... 明明係佢地 nomination 貨... 又推落黎話係我個客... 好似變左 free hand cargo 咁... 囧.....

個日由九點搞到成十點幾.... 得返我一個人.... 呢邊要點點點... 個邊要咁咁咁... 煩q 到丫... 講完個電話忍唔住喊... 妖... 隻船 delay 關q 我事咩.... 我淨係負責通知你地之嘛.... 要點搞你地話事嘍....  我一路喊一路打俾花老爺... 嚇到佢即刻收工過黎接我... (p.s. 九點幾佢又係未收工)  邊喊邊做啦... 喊完就無乜野... 佢黎到我公司我已經差唔多無事... 搞埋少少野... 最後十點半先收工....

唉.... 自從呢晚開始... 心情麻麻... 唔想返工唔想 social 嘍....