網誌分類：與病魔戰鬥 |
最近成日有種好不安的感覺，可能就黎要覆診，又成日凝住自己係未覆診前，會提早入醫院同醫生玩....
頭先同屋企人罵架，佢地係咁迫我睇中醫、迫我抽、迫我做好多野，現在的我咩都唔想做住，只想順其自然，好聽既講句：慢慢黎，唔好急，成下藥睇下點先；難聽黎講：繼續逃避唔去搵方法醫。
佢地話，成日食埋d西藥，都治標唔治本，下下都要開刀，你覺得開刀好玩咩...你現在咩都唔做，手術又唔做，又唔抽....我地足足罵左成個鐘，全部人夾攻我，其實我自己知，佢地都係緊張我、擔心我，但我真係好驚再去睇任何一個醫生，冇錯，個個都話睇中醫好，但我唔想佢幫我把胍，之後我要坐係到聽佢講任何一句說話、亦唔想再覆診，醫生又同我講每一句說話.....我的心就快破裂，我寧願咩都唔知、咩都唔理，已經再冇咁多勇氣去接受呢d野.... sorry 咁多位 ，係我自己去放棄機會......
今日有個人好惡同我講，"你真係唔驚自己以後睇唔到野 ?? "
陸兒 2008-09-06 21:43
我今日帶了龍貓上車，帶他遊車河。謝謝你，他真的好鬼死可愛，跟你一樣咁抵錫。
剛剛一個念頭：
你估福記明年可唔可以順利過關？
以前我都一直想，冇架勒，咁少學生，又咁少資源，裡部又立立亂，連我地老師自己都唔睇好，邊度有得救？
但今天再想，唔係喎，好似幾有信心，明年可以過關的機會都幾大喎。
原來雖然我地對自己冇信心，但歐醫生、校董、教區、潘漢雄、家長們．．．反而係佢地這班局外人雄心壯志，對我地不捨不棄。
不論明年收生結果如何，今日我慶幸我選擇支持學校繼續攪下去。雖然唔係十足信心，亦知道工作艱辛，但叫做試過。
vicky, 試下law，試下當作學多種泳式，試下自由式、試下背泳、試下狗仔式、學多樣野亦無妨，話唔定個教練(中醫)好靚仔呢，(講笑)，當識多個朋友，當有多一樣課外活動，唔啱咪走人law。
人一世，物一世，幾大試下。
講開試，話你知，我最近都有野想試，就係扮靚law。
講真我真係驚變馬騮patpat，又驚比人笑，又驚不論不類。但係，試下law。哈! 呢樣係我今日盡情去盡的目標(shuuuuuuuuuu秘密，唔好話比人知)
愛看blogs的醫學生 2008-09-06 15:32
海廸 2008-09-05 23:30
努力呀...
最緊要係你知道你身邊嘅人個個都係為咗你好架
千祈唔好因為一d事情, 而影響自己嘅情緒呀
情緒好, 對自己或任何人都會好d架
支持你............