週記

今個星期查實心情好惡劣，旁邊既人可能估我親戚到，or 腎上線激增，之前仲好有耐心咁教導d新同事，今個星期發覺自己都有d過火，好似對佢地既態度激左d。有時鬧完人回想起，當時我都有咁既問題，自己解決唔到，當然好徬徨，唔知點算好，但我就唔知點解，會有咁既反應！

呢個星期自己又唔舒服，睇醫生食左幾日藥，好似好左d，返到公司又衰d，返到屋企見到屋企人又好d，好似而家咁，覺得精神集中唔到，腳浮浮，可能藥力影響，又或者當自己坐落自己個位度，不其然個身體就唔受控制。

其實呢個星期心情好低落，成日o係公司做做下野都好想扖o係枱上面咩，發洩一下，但又怕俾人見到，所以冇咁做。我好矛盾，升職加薪，原來自己係承受唔到既！