團結抗敵

尋晚8點入香港大球場睇南華,
係銅鑼灣站行左幾個字先入到去...
人海迫爆銅鑼灣...
香港人都好中意襯熱鬧
第一回合南華作客輸 1:2,
第二回合番黎香港, 只要贏 1:0 就可以出線..
所以吸引到四萬人入場
波飛6點鐘左右就沽清啦....
好彩有搵大俠幫我同HCH手買飛

大俠幫手霸位...
好正 !!~ 坐左係南華 Fans Club 入面

好近中圈呀 !!~ 位置一流
前面就係鼓手... 跟住佢節奏黎拍打氣捧..
未試過入場咁有氣氛...
以前都入過好多次... 不過都係睇外隊訪港, 睇下球星咁...
今次真係為香港打氣 !~ 的確係第一次 !!~
係咁叫 "南華 !!~ 南華 !!~ "
客隊一拎到波就即喝倒彩
四萬人一聲發出 "鳴....................." 既聲音
真係好齊心

上半場以 0:0 結束...
仲未追得番上回合落後果球...
不過球迷都未開始心急
我同HCH, 大俠就影下相先,
大球場紅海一片... 真係好爽 !!~


好近草地呀 !!~
咁既角度望球場, 都係第一次啦...

三個一齊著紅衫...


上主席台影相


下半場南華爭取到較多攻勢,
愈黎愈入肉 !~
60分鐘左右更食左鋪詐糊...
在場球迷都歡呼左一陣... 果刻既大球場真係好 HI !!~
全部人跳起 !!~
可惜... 只係開心左好短暫既時間...
球迷又再集體喝倒彩... "鳴......................."
震撼 !!~

去到80min... 波仲未入到...
但失波了...........
全場即時靜晒... 好似一盤冷水淋落黎咁...
球迷開始扔野落球場
比起外國, 都算好克制架啦...
扔下水樽, 放紙飛機入球場, 扔膠杯蓋...
最激就係有人扔生雞蛋...
正常外國先會見到既情況... 係香港大球場都出現啦...
大球場即時發出廣播, 叫球迷克制

結果以 0:1 落敗... 總比數輸 1:3...
但南華今場表現算係滿意的
球迷開始慢慢散去...
比賽完了, 但球迷哄動仍然停不了...
行到出大球場門口... 見到有 TVB 既攝影機...
球迷圍住攝影機, 高呼  "黑哨 !!~ 黑哨 !!~ ... "
愈圍愈多人....

石級企滿晒人...
最少幾百人一齊哄動
講講下更變左政治集會...
有人開始叫 "平反六四 !~", "反對慳電膽 !~ "
笑死人 !!~

球迷慢慢開始散去...


人海一路湧出銅鑼灣...


好難忘既晚上 !
全場都為南華打氣...
雖然輸左, 入唔到決賽...
不過都係一個經典時刻 !~
四萬人入場睇南華...
已經為歷史寫下新一頁 !!
證明香港球迷反應並不冷淡