724火窩大作戰(二)

要節目搞得成功，一定full team上，先會成功啦。東涌SupportTeam當晚非常合拍兼合作，各盡其職，以下排名不分先後：

1. 村姑

工兵型，幫手set場、洗碗等一切艱辛任務，任勞任怨，堅過阿信。

2. J.C.C.

盡情發揮內置全天候臨場吹水功能，帶遊戲、搞氣氛、攬頭攬頸...無佢真係唔掂。

3. 師父

難得佢就黎去食熱狗同咸豬手，但係連行李都唔執住，盡情投入。

4. 巴斯光年

兩歲既佢，全憑犧牲色相，比幾個美少女攬攬錫錫，但勝在自得其樂！都係果句：算吧啦！

5. 安娜

當晚佢長袖善舞，帶動同學們玩盡紙牌遊戲，開完一檔再開一檔。

6. 女口月

發揮佢穩定軍心既作用。當然佢亦從來唔界意執頭執尾！

7. 中學生S

都算好有突破啦，佢肯投入一齊玩，已經喜出望外。佢近來好關心我的工作情況。

8. 中學生L

個班同學仔佢舊時都認識，轉校後再次見面，初時有d抗拒；好在佢欲拒還迎，乖乖地一齊玩，算你啦！

9. 中學生P

呢個無得頂，見到陌生人就如見到異形一樣，仲要速速逃走個隻。初時lee入廁所、再鑽入A室、然後一個轉身已經返左屋企，話要接亞媽個長途電話。好彩最後佢都返黎食野，只係有d....

10. 熊貓

一如以往，熊貓都係廚房幫頭幫尾。有人見到熊貓成頭大汗，好似好辛勞。其實都係佢件Fur發揮既作用。

11. 老師們

多謝你地山長水又遠、出錢又出力，令到一班年青人有機會接觸教會生活，真感動！