網誌分類：未分類 |
圖片
網誌日期：2008-01-16 22:40
今日因為天氣實在太凍啦，惡女匿埋係屋企，唔願出街，所以派出佢既新朋友熊bear bear出動，我地去左壽司亭食晏，大部份既壽司都係$6一碟，我地試下兩碟，都係機啤既，所以d飯就實實地。我地仲叫左一大碟既蔬菜色拉，同埋個鍋燒烏冬定食，$4x，呢個就幾好食，埋單都係$77。
夜晚去左大白兔介紹既香樟花園試下，環境幾好，最特別係有棵受政府保護既樹係餐廳中間，一坐低，我地都唔肚餓，所以點左d前菜同飲品，玫瑰奶茶得少許玫瑰味，食完都飽左一半，看食評比較受歡迎嗰個鮮果香酥鴨色拉，嘩，d生果就ok(雖然T先生話聽見生果色拉都怕，但我地抱住大無畏既精神，點咗！)，但香酥鴨食到我地牙都崩，最終無乜食到d香酥鴨！
跟住瀨野事情發生啦，我地諗住清清地叫番個干鍋茶樹菇土雞，菜單張相都好正常，嘩！點知上枱時發現佢成鍋都係不同種類既紅辣椒，A小姐已經用水過熱河先食，但都食到嘴都腫埋，最後要食多個甜品下火，點知返到屋企，發現面上已即時爆兩粒瘡！(註：A小姐話佢係香港係絕少生暗瘡架！)好慘呀，點見人呀？
今餐又食左人仔$213！
後記：估下呢一堆係咩？
等候多時的 Teacup Poodle / Tiny Toy Poodle Puppy 茶杯 / 嬌小型玩具貴婦幼犬可雅小公主 2009 年 1......
惡女 2008-01-17 23:07
嘩，乜原來干鍋係辣既咩？
佢都無辣椒仔公仔係隔離提醒我地，真係唔應該呀！
估錯呀，V惡女係一早叫左呢堆野架啦！唔係最尾叫既甜品黎架！
大白兔 2008-01-17 19:42
有無搞錯呀V惡女，你怎會不知干鍋是辣的呢? 枉費你自稱是食神。
至於呢堆野不是雪糕就是或慕絲，上面咪講左，惡女A要吃甜品解辣嘛。