網誌分類：小V心情篇 |
今晚收到一個好朋友既電話, 我同佢其實好多野都好似, 大家差唔多時候結婚, 亦差唔多時候有bb, 我bb12月出世, 佢bb就下年2月出世, 本來一心以為佢打黎係普通傾計, 但係一聽到佢把聲好down已經心知不妙, 原來佢今日剛剛做完結構檢查, 上午check醫生已經話佢個bb有問題, 跟住寫信叫佢下午去瑪麗再check多次, 結果都係一樣, 話佢bb既腎size+輸尿管脹, 羊水足夠, 但要有心理準備bb一出世要做手術, 一聽到呢度, 我個心好痛, 我自己宜家都係人媽咪, 我明白有左小b之後, 未出世之前已經成日都有提心跳膽既感覺, 好驚佢有d咩事, 之後, 好朋友仲要同我講醫生話bb有心漏病, 呢一刻我真係唔識比咩反應佢, 只係識叫佢唔好擔心, 因為佢不停咁喊, 仲令我更加唔舒服, 但我只可强作陣定安慰佢, 希望咁會令佢平靜d, 我對上述既病真係無乜認識, 所以都唔敢亂講野, 唯有幫佢問下身邊朋友有無一d專業既醫生睇開可以幫到佢, 因為瑪麗既醫生都叫佢最好"抽羊水"check下染色體有無問題, 其實我真係無諗過佢同老公身體都算ok, 都會有咁既問題發生, 不過心漏佢話佢daddy都有, 但佢無, 所以可能隔代遺傳左比佢小b, 聽完佢呢個電話, 我真係成晚都瞓得唔好, 好擔心呢位朋友同佢小b, 雖然已經幫佢問左2個醫生既電話, 但呢幾日公眾假期, 好既醫生booking又好full, 希望會比佢呢d特別既case提早睇先, 佢自己本來聽日同老公出去幾日旅行relax下, 我相信佢呢個trip都唔會玩得開心!
我們的十年~~2009 2009-10-17 10:19
karen 2009-10-13 09:06
vienna, thank you for your caring. 其實我心情仍然好差, 我仲未能夠好平靜地同你說話, 每一次說話都會忍不住cry,我個心好痛, 痛到好像有萬支arrow同一時間入個心一樣.
God帶領我, 令我在政府抽胎水過程十分順利, 一點也不痛,報告顯示bb不是唐氏, 但另外的十幾對染色體要二個星期後才知,,
我看了朋友介紹的醫生- 王紹宏, 他說bb無心漏, 但個腎一定有事, normal size of kidney係4mm,我bb係11mm, 係天生輸尿管narrow..好大可能一出世要做一個大手術, 由於脹的情況嚴重, 估計不會自己好番,
我每一次想起要一個一個月大的bb做一個手術, 我就忍不住會cry,,,我唔想bb受苦, 但又幫不了, 我真係唔知可以點, 只可以pray, hope god will help bb. i trust that 人盡人所能, god盡人所不能,,,we do the best , god do our rest...
Vienna,我會祝福你bb身體健康, 快高長大,
小V & 小Hung2009-10-16 21:30
你都唔好咁傷心, 因為你心情唔好都好影響bb架, 宜家大家都無野可以做, 唯有等佢出世之後先再算, 其實我家姐之前第二個b咪又係咁, 佢懷佢10個月都唔知佢條腸有事, 一直有照同check晒所有野都話佢好健康, 但出世半個月都要做手術, 所以有d事係話唔埋架! 我都會為你祈禱, 大家既bb都可以快快樂樂健康咁成長架! take care!