結~ 分~

2009年11月4日 晴

常常聽到別人說結婚有幾幸福, 有幾浪漫; 公司d三姑六婆又好喜歡弦耀自己個老公有幾叻, 仔女讀書又有幾勁, 屋企又請左個工人點點點......

眼見身邊有些已婚既朋友, 佢地既婚姻生活都並非想像中咁理想! 婚變, 婚外情, 鬧離婚, 搞分居既都有. 佢地年紀都唔細, 有d仲有小朋友.....

咁究竟結婚又有幾浪漫, 又幾幸福呢!?

我唔係好明, 結婚係兩個人既事, 點解要係當日上演一場大龍鳳呢!!?? 何解又要駛錢又要自己辛苦呢!? 之前仲要為結婚既大小事務東奔西跑, 當晚仲要行出黎俾人"評頭論足", 我一d都唔覺得好浪漫!! 究竟主角係我, 定係d親戚朋友!? 何解結婚, 要一對新人娛樂大家呢!!??

既然結婚係兩個人既事, 何解唔可以以一對新人為中心, 贊同及支持佢地既意願去完成佢地心目中既婚禮呢!? 如果有得選擇, 可能簡單簽個名仲開心過延開百席!!

結婚當日搞完一場大龍鳳之後, 相處了不知幾多個年頭, 發覺大家相處方式出現問題, 吵幾鑊都擺平唔到, 天真地覺得不如生個小朋友出來啦, 以為可以維繫婚姻..........天呀!!! 到最後, 最遭殃既咪又累左個小朋友lor....當你回想番新婚果晚搞果場大龍鳳係咪覺得自己好無謂呢!? 真係結完就分!!

結婚唔代表係永恆! 相信一張婚紙, 唔代表可以將一對男女永遠連繫埋一齊, 只不過係用黎肯定對方既地位; 如果雙方係深愛對方, 相信唔結婚, 都會愛一世!

又有些男女埋門一腳要搞到分手收場...點解!!?? 就係因為為左搞婚禮既事而意見不合, 最後搞到大吵大鬧, 愈拉愈遠, 塵年舊事又再番吵......男女都不讓步, 又係分手收場!!

唉.....為咩呢!!?? 呢d真係叫做 "唔結就分" !!

對我黎講, 結婚既意義好簡單: "因為唔想同居, 所以結婚!!"  That's all !!