小甜谷 =...=\\

2009年9月4日 晴

今晚同契老豆食完生日飯之後, 想食甜品糖水wor!! 突然想起早前電視節目專況谷祖琳開設o既"小甜谷", 於是一行四人揸車去搵食!!

地點都好隔涉, 不過就多車位lor....鋪頭都好細, 好迫!!

我地等了15分鐘左右就安排門口坐位. 問問店員有咩推介, 佢話"北海道牛乳系列", 心諗唔係化, 我去北海道飲過唔少啦, 有幾特別呀!!! 依家超市都有得買啦. 見佢d甜品種類唔多..... 我地唯有order 左荔枝奶凍, 芒果奶凍, 士多啤利沙冰....

woo~~~~~~~~~~ 食第一口, 以為自己味覺有問題啦, 再食第二口.....我地四人異口同聲話: 唔會再有下一次!!!!!!

老闆谷祖林聲稱他們開設此店目的為了讓食客可享用高質素食材的甜品, 點知......d質數真係唔多掂lor~~~~ $29 一個奶凍, 佢用一個外賣膠杯仔盛載, 成個感覺係"cheap" lor, 而且真係好細杯!!!! 好心你收咁貴, 就用d 好好睇睇o既器皿啦!!!! 兩個奶凍都唔夠香, 唔夠凍, 唔夠奶味, 又唔夠荔枝味, 又唔夠滑, 究竟想點呀!!!!???  沙冰唔夠軟棉棉, 係一小粒一小粒咁.........有無搞錯呀!!!!???

呢間"小甜谷" 真係名過於實!! 總之,只是一間靠明星效應,話自己好有誠意o既鋪頭,但實質是令人質疑的店子!

送俾"小甜谷"一個字 - "劣"!!