Jazz Nights x2

昨晚有貴客到，一個世界級實力的低音結他手造訪寒舍。其實是同屋的朋友來吹水，當然我也把握機會吹埋一份，仲jam埋歌。但我的實力跟他比實在如BB一樣，所以jam jam下甩左碌，然後只係睇住佢地jam。仲請教左佢玩jazz既心得。總之賺晒。大家玩到天光先散。

今晚呢位低音結他手晌Soho開show，當然要去捧下場。去左位於奧卑利街既Le Bohemian Lounge。今晚原來係blues night，有結他好勁唱歌又夠rock的美國結他手，我個朋友彈bass，然後方大同個爸爸做鼓手。一首接一首blues．．．唱得實在太好，沙沙地聲好似Rod Steward咁，另外結他，bass同鼓俱一流。無得頂。然後酒吧的老闆落埋來玩，原來係一個好勁既keyboard手．．．仲有一個來自日本既加拿大人吹tenor saxophone，又係世界級。十個抵！最誇張既係，今晚係星期四晚，冇乜人出來蒲，全間吧連埋我得五個客，等如包左廳聽一流樂隊玩左一晚。仲要我另外一個朋友堅持要俾錢。真係無說話好講。