返學3個月 > 小小進步

唔經唔覺，遲仔已經返左學3個月啦。

每個月老師都會0係手冊度對遲仔0係校內的表現做一些報告。

早兩個月收到9月同10月的報告，遲仔0係"社交"同"情緒"兩方面都只係平均得2分(5分為滿分)；而"學習能力"同"自理能力"則平均有3分。

作為爸爸的，都有DD擔心的：擔心遲仔唔識得同人相處、擔心佢會郁手推人...

今日放工時，遲媽話11月份的報告出左啦，我即刻拎來睇...

嘩！遲仔好多方面都有進步喎...

[#1. 16個項目裡面，有一半係3分、有一半係4分添！]


其中有兩項的表現，由2分跳升至4分，包括"能用言語表達個人感受"、"表現決問題的能力"。

其實遲仔一直都好鍾意返學，未試過扭計唔返學。0係屋企會成日唱學校學的歌、講下英文同普通話、扮下老師講野、又會講下同學仔的事情...

我諗經過左三個月，慢熱的遲仔，開始習慣學校的環境，開始有安全感。有信心去表達自己同接觸身邊的人...
============================================================

遲仔的認知能力都幾好，特別係中文。遲仔的學校安排每星期都有閱讀計劃。遲媽同遲仔一齊睇中文書，佢都可以吸收到，大致上會記得內容並讀番出來。

[#2. 老師對遲仔的評語都唔錯，好多次都拎到四個印仔。]


不過，英文方面呢，遲仔的進度就較慢。可能係我地平時好少同佢講英文，所以佢對英文的興趣無咁大。

[#3. 老師對遲仔的英文的評語...，通常只得到一個印仔。]


遲媽就話佢唔係咁著緊學校的評語，佢認為最緊要的係遲仔返學返得開心。

我諗都係要學下遲媽以"平常心"的心態來面對遲仔的成長歷程。0係遲仔身邊陪伴同支持佢。

遲仔，加油呀！
============================================================

[返學第一日 vs 返學三個月]

============================================================

當年s今日：