兩個第一次

上星期好忙，有三日要返工返足早午晚三節，留0係屋企的時間唔係咁多...

趁星期六日多D時間陪家人...

我地遲氏有兩個"第一次"...

第一個第一次，係我地一家四口第一次一齊去食自助餐 (遲D要幫齊齊擺百日宴，要去試菜同視察場地)。

兩個大人帶住兩個細路，要食餐"安樂茶飯"都唔易，大D嚷著要返屋企，細D喊喊要飲奶...

幸好，最終都"擺平"到佢地，我同遲媽可以儘情D咁食... (其實呢度都幾多野食，同埋都幾好食呀。)

最特別的係，遲仔肯擺pose俾我影相...

[#1. 呢張係遲仔第一張的"到此一遊"相。]


平時好少叫遲仔影呢類相。今次問佢去唔去同公仔影相，佢好爽快咁答"好"。跟住仲走埋佢企定定同摸住兩個公仔...。(真係估你唔到呀！)

[#2. 遲仔初段有D眼訓，後段開始好番D，仲好開心咁嘆甜品添。]


第二個第一次，係同游水有關的...

之前我已經同遲仔去過游水啦，今次有乜特別？特別之處係，我地同埋遲媽一齊去。

遲媽話佢差唔多廿年無去過游水啦...

今次一齊游水玩得好開心，遲仔仲肯借D玩具俾其他小朋友玩添。

[#3. 準備出發，帶住新買的水泡。好man呀。]


[#4. 遲仔仲想帶埋心愛的Thomas火車去游水添。]


[#5. 游完水，沖完涼，飲完奶，跟住就訓覺...，人生一大樂事！]

=============================================================

當年s今日：