八月盛會準備戰1 ─ 旗袍

噚日同兩個朋友CC和蓮去佐敦裕華買旗袍，要為八月的盛會作好準備。本來我諗住陪太子讀書，冇諗住買。誰不知見到這件月下貨，加細碼 (32號)，價錢又只是二百多塊，咁一定試一試啦。嘩！估唔到試上身後，非常合身，完全不用修改，仲fit過訂造，結果是非買不可。

試衫期間，售貨員姐姐問我地係咪係要參加旗袍派對之類。

另外，蓮亦買左一件旗袍加一件小鳳仙都只不過是三百多塊，真係超低呀 好過返羅湖商業訂造加換來一肚氣！

呢件係朋友送，因為佢唔合身，所以改短後就送左畀我，但一直都冇機會著。朋友叫我平時都可以著，不過我感覺怪怪的，所以將佢一直留在衣櫃裡，依家佢終於有機會見人啦！