醫院逸事(二) - 鬼古篇

十二月頭clinic收到一封病人投訴，果位病人投訴我地登記處舊既同事成日針對佢，將佢既預約期延遲，而新來的同事就可以約到快期。 病人係信中可以好正確甘描述每位同事既外貌。作為負責行政工作既我，收到呢封信，我當然要先睇下呢個病人既預約係唔係真係比同事延遲，因為每次收到投訴我都要先認真調查，先去覆病人。

當我check左d個病人既資料之後，我覺得好奇怪，當中有兩個疑點：

1.明明呢個病人信中提及佢睇開既醫生同實質唔同既？
2.佢係七月中已經冇睇，我地clinic換新人都係呢幾個月既事，點解佢可以甘清晰形容到佢地既容貌既？

由於病人寫信入黎，無論佢講既野合唔合理，我地都有責任比佢知我地收到佢意見。由於我心"形住"係佢既屋企人用佢個名黎投訴，於是我唔選擇打佢手提 / 屋企，而索性打去佢住既老人院，事關可以直接同佢講。以下係當日電話內容：

我：唔該我想搵xxx

一男士：下？請你等等！ (轉駁至另一地方)

一女士：你搵xxx咩事家？

我：我地係zz醫院，xxx寫左一封信黎，對我地既服務有意見，所以我地想同佢傾傾既！

女士：下？請問你介唔介意話我知你幾時收到信家？

我：12月12號

女士：下？甘信係幾多號寫家？

我：點解你甘問？有咩問題？

女士：xxx已經過身，以我記憶已經係個幾月既事~

我：12月10號，你可唔可以幫我check下佢係幾多號過身，因為我要同老細交代~ (已經驚驚地~)

大約過十五分鐘，呢位女士又打黎：

女士：我check過，佢係8月初就過身喇~

講完呢個電話我都驚左一輪~ 想投訴都唔好打攪過身既人呀~