再見了........

好一段日子無updated我既blog，估唔到再一次寫blog，就係一個壞消息......

響Facebook呢個網絡世界，可以知道好多朋友既消息，包括開心、唔開心、甚至係..... 一d突然既消息...

前兩日響Facebook上見到多個中學同學既留言總是怪怪的，覺得有d唔妥，所以致電比一位較熟既好朋友，細問之下先知道..... 同我地已經相識左差唔多20年既中學同學兼朋友已於幾日前離開左我地！

呢位朋友體能及健康一向好好，佢甚至當上女警服務市民。但真係估唔到既係…佢竟然患上左胃癌而離開左我地！當佢知道患病後，雖然知道係末期，但佢依然樂觀面對，積極尋求治病既方法，佢甚至倔強到為左聽中醫既說話，就算自已痛到死去活來都唔願意食一粒止痛藥，為既係：怕影響中藥既效力！雖然佢咁堅持，但到最後始終….. 無能為力！

雖然明白對佢來說，係一個解脫，不再痛苦....但對佢身邊既人來說，真的很心痛、難過！對於我來說，完全明白生老病死係不變定律，但從未諗過響同輩之間就要面對死亡！

再見了.....現在懷念的....只有二十年的回憶.…..懷念她的笑容、勇敢、我們二十年來的情誼、懷念她的一切......願她去到一個快樂、安詳的世界。