話說Cooltrans 1月号係KURA做COVER
一出個陣係信和見到賣8x
個陣已經好想買因為真係好靚,但最後都忍到手
琴日出去拎碟時見到賣6x
嘩,吸引大左.因為呢排我都仍然對佢念念不忘
但最後基於買雜誌真係有d唔抵所以又冇買到
今日,話說頭先補完習行過幾十一,我feel到有人望住我
冇錯.就係kura...本Cooltrans又出現啦!
點解要咁丫,今次個價係70
我都忍住冇買到!
但我相信如果再有下次咁樣比我見到我一定買!
頭先同丫媽講話想買
佢就話佢上次話見到兩個日本運動員指住本雜誌係咁講野就係個本囉
我話你又認得既?
佢好唔耐煩咁話唔記得啦-,-
P.S 我丫媽用緊TGMS做鈴聲,上次仲話聽七夕祭跑步會越跑越快XD
另外.我部電話係上個禮拜正式宣佈死亡
最衰既係佢死都死得衰過人!
冇畫面冇反應搞到我冇得save番d電話(怒)
即係話我要拎佢出去整左先搞掂番d野先換啦?
呢部野都唔知整左幾多次
其實我最想講既係...我唔知換咩機
得罪d講句香港d機點解咁醜樣既?
可能係我要求高啦haha我一向好鍾意摺機同埋大大個moon既
香港d摺機又少得可憐,有既又唔靚-,-
所以我一直既目標都係日本機!
其實我好鍾意n-03a個隻桃紅色嫁!
但佢得200萬像素但又平平地喎 (眾:你咁麻煩嫁)
另外個d目標一係就好新好貴
一係就唔新唔舊(價錢都係唔低又唔係好高)但岩晒咀形!
好煩丫,有冇人有咩推介丫?
