唔知係唔係最近公司好多事, 搞到發左個好得人驚既"鬼"夢都有晒公司既人呢?而且個夢都幾真實, 就連陰風陣陣都feel到架.. 通常醒左係唔會記得既, 不過我而家都仲記得呢!! 咁難得梗係要寫低佢啦, 個夢話說係咁既...........
我唔知點解同幾個同事一齊正值揾樓租, 個agent帶我地睇左2間, 1間好似26樓,1間16樓, 先睇26樓既1間, 入到去見到好舊, 好古老, 好陰暗... 當時大家都渾身唔舒服,跟住就去左睇16樓, 一入電梯已經唔多妥, 部lift唔郁停左, 跟住燈又閃下閃下..過左1陣又郁番啦... 入到去睇左, 呢間好似幾好, 跟住就走啦, 番去商量之制,大家決定16樓... 準備去揾agent既時候, 一睇電視, 嘩, 嗰間野火燭.. 燒晒...
咁無得選擇囉, 就去租26樓啦, 搬入去既第一晚, 就有怪事啦...
半夜既時候, 大家聽到一對男女講野, 係房既門縫見到我既老闆同老闆娘2個,夢入面係唔識佢地架... 就覺得好奇, 點解有人有key入來既, 跟住就出去, 一出去,2個就 "飄" 走左... 十足十哈理波特入面d鬼魂咁 "飄" 法架....當時大家都打個凍陣..
之後下一個畫面就係電梯入面, 我地入左lift, 之後close門, 再之後又開番門...見到又係佢地2個入lift, 大家心知不妙, 個個標晒冷汗, 唔敢出聲, 想快d到地下,情境又好似"見鬼" 入面既畫面一樣.... 跟住一到打開門, 2個又 "飄" 走左, 大家即刻跑上樓執野走, 點知一入到屋, 又見到佢2個, 仲要度門鎖住左, 就係咁..就嚇到醒左啦....
唔知係唔係睇得鬼片多, 加埋工作上既無形壓力, 就搞到發埋d咁既夢囉, keke!
P1030820.JPG
P1030818.JPG
P1030817.JPG
黃師奶 2009-11-29 19:02
T&P 2009-11-29 04:54
無敵の部屋 ® 2009-11-28 19:11
真係大吉利是
你又會記得咁清楚O既!
你係時間放下假啦!
wahwa 貓 2009-11-28 15:06
都係你呢排諗得太多0者 ...
夜晚試下做運動 ... 又或者看下雜誌先瞓，會少 d 發夢 ...
Sasa 2009-11-28 14:22